Bank Nordik betri úrslit enn væntað

Í kunngerð til keypsskálan upplýsir bankin í dag, at væntaða avlopið fyri 2023 verður mett at liggja millum 295 og 310 mió. krónur. 

Áður metti bankin, at avlopið fór at liggja millum 260 og 290 mió. krónur.

Men tá bankin fyri einum ári síðan, tann 26. januar 2023, boðaði keypsskálanum frá væntaða úrslitinum fyri 2023, ljóðaði metingin millum 190 og 220 miló. krónur. 

Ella upp til 100 milliónir krónur minni enn tað, sum bankin væntar nú. 

Broytta metingin byggir á, at kjarnuvirksemið hevur staðið seg betri enn væntað, og at inflasjónsátøkini ikki hava rakt kundar so meint, sum frammanundan mett. 

Ársúrslitið hjá bankanum verður kunngjørt 27. februar.