Charles kongur hevur fingið staðfest krabbamein

Góðynskini floyma inn til bretska Charles kong, nú boðað er frá, at hann hevur fingið staðfest krabbamein. 

Tað er enn ikki alment, hvat slag av krabbameini, talan er um, men hann er farin í viðgerð. 

Læknar hava mælt honum frá at røkja almennar uppgávur, meðan hann er í viðgerð, skriva kongshúsið í fráboðan.

Ikki prostatakrabbi

Buckingham Palace sigur, at talan er ikki um krabbamein í prostata, hóast krabbameinið var staðfest í sambandi við prostata-skurðviðger.

Charles kongur, sum var krýndur í fjør, fer framvegis at røkja nakrar uppgávur, men størri arbeiðsuppgávur verða nú lagdar á William prins.

Men kona William prins er eisini sjúkrameldað, og tey eiga trý børn, og tí verður hildið, at Anna prinsessa, Edward prinsur og hertuinnan av Edinburgh, Sofie, fara at røkja fleiri av uppgávunum.