Lógaruppskotið komið um kringvarpsgjaldið

Kringvarpsgjaldið skal hækka 13 krónur um mánaðin, og tað skal prístalsjavnast, fyrstu ferð næsta ár.

Skotið verður eisini upp at lækka kringvarpsgjaldið hjá smáum stovnum og virkjum 500 kr. um árið. 

Uppskotið um kringvarpsgjaldið kom í løgtingið í gjár.

Fyrsta viðgerð er ikki ásett enn. 

Heldur enn at nevna ávísan aldur hjá teimum, sum rinda lægra gjaldið, eru nevnd fólk í fólkapensjónsaldri. 

Á tann hátt verður lagt upp fyri møguligum hækkingum í fólkapensjónsaldrinum, uttan at neyðugt er at broyta lógina hvørja ferð, sigur Mentamálaráðið. 

Broytta lógin kemur í gildi dagin eftir, hon er kunngjørd.