Labour vann tvey eykaval í Bretlandi

Rishi Sunak og konservativi flokkur hansara taptu tvey eykaval í Bretlandi í gjár. 

Bæði í Kingswood og Wellingborough vann valevnið hjá Labour.

Damien Egan í Labourflokkinum vann í Kingswood í útsynningspartinum av Bretlandi. 

Í sigurtalu síni nýtti hann høvið at harta stjórnarflokkin hjá Sunak:

- Í 14 ár við konservativari stjórn er vónin sogin úr okkara landi. Tað er kenslan av, at sama hvussu hart tú arbeiðir, so kemur tú barasta ikki frameftir, og við raktíðini hjá Sunak, eru vit aftur í støðuni, at vit rinda meira og fáa minni, segði Egan.

Tað gjørdist greitt í hesi vikuni, at Bretland fór at hava búskaparliga afturgongd seint í 2023.

Ósigurin er mest sum søguligur, tí eingin stjórn hevur síðani í 1960'unum havt fleiri ósigrar á eykavalinum enn núverandi stjórn.

Væntandi verður val í Stóra Bretlandi í ár, skrivar NTB.