USA setur 500 tiltøk aftrat í verk móti Russlandi

USA setur 500 nýggj tiltøk í verk móti Russlandi fyri kríggið í Ukraina, og eftir at russiski andstøðingurin Alexej Navalnyj doyði í fongsli, skrivar tíðindastovan Reuters, sum vísir til fráboðan úr Hvítu húsunum.

Tiltøkini raka m.a. einstaklingar, sum hava samband við, at Navalnyj var fongslaður, russiska fíggjargeiran og verjuídnaðin.

100 feløg og felagsskapir verða beinleiðis rakt av tiltøkunum. 

Hesi skulu, sambært Hvítu húsunum, skipa fyri russisku krígsførsluni ella hava stuðlað krígnum gjøgnum bakdyrnar.