Traktorar til Havnar at mótmæla uppskotinum um gongd í haga

Einir 30-40 traktorar eru á veg til Havnar í mótmælisgongu móti uppskotinum hjá landsstýrismanninum, Høgna Hoydal, um gongd i haga, sum kemur til fyrstu viðgerð í tinginum í dag. 

Tað veit Eysturoyarportalurin at siga. 

Traktorfylgið fer úr Norðoyggjum í morgun, og so leggast traktorar aftrat, so hvørt sum komið verður suður ímóti Havnini.

Eisini Útoyggjafelagið, Bóndafelagið, Óðalsfelagið og onnur vera við í mótmælistiltakinum í dag.

Uppskotið til løgtingslóg um burðardygga ferðavinnu (Ferðavinnulógin) er sjeynda mál á skránni fyri løgtingsfundin, sum byrjar  kl. 10.