Fýra fólk varðhaldsfongslað eftir atsóknina í Moskva

Ein dómstólur í Moskva varðhaldsfongslaði í gjárkvøldið fýra fólk, sum russisku myndugleikarnir leggja undir at hava framt yvirgangsatsóknina í eini konserthøll fríggjakvøldið.

Dómstólurin upplýsti, at tvey teirra hava játtað seg sekan í illgerðini, ið eftir nýggjastu upplýsingunum kravdi 137 mannalív.

Tey skuldsettu kunnu rokna við lívlangari fongsulsrevsing, sigur dómstólurin.

Russiska innanríkisráðið upplýsir, at talan er um fýra “útlendskar borgarar”, og russiskir miðlar vilja vera við, at hetta eru fólk úr Tadsjikistan.

Tilsamans skulu ellivu fólk vera handtikin í málinum.

Moskva, varðhaldsfongsling í málinum um atsókn í Moskva

Varðhaldsfongslaðu menninir eru fýra "útlendskar borgarar”, og russiskir miðlar vilja vera við, at hetta eru fólk úr Tadsjikistan. (Mynd: Reuters/Ritzau Scanpix)

Hækkar trygdarstigið

Frakland hækkar trygdarstigið upp í ovasta stig eftir álopið á konserthøllina í Moskva fríggjakvøldið.

Hesum boðar franski forsætisráðharrin, Gabriel Attal, frá á sosiala miðlinum X.

- Eftir at Islamiskur statur hevur tikið ábyrgd av álopinum, og orsakað av teimum hóttanunum, sum eru yvir okkum, hava vit hækkað trygdarstigið í landinum til tað hægst møguliga, sigur hann.