Mál um knívdripnan føroyskan sálarsjúkulækna fyri í rættinum í Glostrup

Mariann Stenberg arbeiddi sum psykiatari á Psykiatrisk Center Glostrup, og 41 ára gamli maðurin, sum er ákærdur fyri at hava dripið hana, var sjúklingur á deildini.

Maðurin noktar seg sekan.

Hann er ákærdur fyri dráp, drápsroynd, herverk, neyðtøkuroynd og brot á knívlógina.

Krevja varðhald

Ákæruvaldið krevur mannin dømdan í varðhald á Sikringen, um hann verður dømdur sekur.

Sikringen er serliga tryggjað psykiatrisk deild í Slagelse.

Verjin hjá manninum sigur, at ákærdi fer at greiða frá hendingini á rættarfundinum í morgin.

Psykiatarin vildi oyðileggja og øsa

Undir grundlógaravhoyringini í fjør, tá ið maðurin varð handtikin, greiddi hann frá, at hann tók knívin við inn á psykiatrisku deildina fyri at stinga psykiataran, sum sambært honum bert vildi oyðileggja og øsa.

Verjin segði undir grundlógaravhoyringini í fjør, at maðurin var bangin og hevði ranghugsanir.

Tríggir dagar eru settir av til rættarmálið, skrivar danska tv2.