![](https://kvf.fo/sites/default/files/styles/myndasavn-width/public/hanna_katrin_fridriksson.jpg?itok=3VF2yVUJ)
- Tíðindi, mentan og ítróttur
Meiriluti mælir til fullan føroyskan limaskap í Norðurlandaráðnum
Meiriluti mælir til fullan føroyskan limaskap í Norðurlandaráðnum
Arbeiðsbólkurin, sum hevur viðgjørt spurningin, legði fram álit í dag, og málið verður viðgjørt á ársfundinum í heyst
![](https://kvf.fo/sites/default/files/styles/grein-ovasta-mynd/public/nordurlandaradsfundur_i_foroyum-_foroysku_umbodini-sharpenai-motion.jpg?itok=dS5XAJ84)
Føroysku limirnir og varalimirnir í Norðurlandaráðnum saman við Bjørt Samuelsen, løgtingsforkvinnu, og Kristinu Háfoss, stjóra í Norðurlandaráðnum.
Mynd: Bjarni Árting Rubeksen
09.04.2024 - 18:00
Formansskapurin í Norðurlandaráðnum og stjórnirnar í Norðurlondum skulu nú viðgera umsóknina um fullgildigan føroyskan limaskap í Norðurlandaráðnum.
Arbeiðsbólkurin, sum hevur viðgjørt spurningin, legði fram álit í dag, men hann er ikki samdur.
Meirilutin mælir til, at Føroyar, Grønland og Áland fáa fullgildigan limaskap, meðan minnilutin mælir til, at tey trý londini kunnu sleppa at standa sterkari í felagsskapinum, uttan tó at fáa fullan limaskap.
Erling Eidesgaard, sum er annar av føroysku limunum í Norðurlandaráðnum, sær ikki stórar møguleikar fyri, at Føroyar gerast fullgildigir limir á hesum sinni.
Hin limurin, Johan Dahl, hevur tó framvegis eina vón.
Hoyr innslag í úitvarpstíðindunum:
09042024_Foroyskur_limaskapur_i_N-radnum
Hanna Katrín Friðriksson úr Íslandi hevur verið forkvinna í arbeiðsbólkinum, sum hevur viðgjørt spurningin, um Føroyar, Grønland og Áland kunnu fáa fullan limaskap í Norðurlandaráðnum.
Nýggjastu sendingar í ÚV
Nýggjastu sendingar í SV