Stórabretland og Finnland samstarva um nettrygd

Stórabretland og Finnland gera nú samstarv ímóti russiskum hóttanum dataálop. 

Tað skrivar bretska uttanríkisráðið sambært danska kringvarpinum.

Í avtaluni, sum londini skriva undir í dag, verður Russland lýst sum "størsta beinleiðis hóttanin móti friði og støðufesti í Evropa".

Samstarvið skal millum annað raka netálop og skeiva upplýsing úr Russlandi umframt álopið á Ukraina.

Bretski uttanríkismálaráðharrin, David Cameron, sigur, at hernaðarliga samstarvið millum Bretland og Finnland byggir á felags virðir. Samstarvið fer at gera, at londini styrkja samstarvið um trygdina í Evropa. Ætlanin er at taka við teimum nýggju møguleikunum, sum liggja í vísindi og tøknifrøði fyri at styrkja okkara felags bond, sigur bretski uttanríkisráðharrin.