Julian Assange latin leysur

Julian Assange latin leysur
Varskógvarin er til reiðar at játta seg sekan í einum rættarmáli, sum byrjar í USA í morgin. Men hann skal ikki sita meira í fongsli
Hesa myndina hevur WikiLeaks lagt út á sosiala miðilin X, sum WikiLeaks sigur, vísir Julian Assange fara upp í eitt flogfar, á veg til USA.
Mynd: AFP/Ritzau Scanpix  
 
25.06.2024 - 08:36

Eftir fimm ár í fongsli, er avstralski varskógvarin, Julian Assange, eftir øllum at døma latin leysur.

Julian Assange avdúkaði almennar loynidómar í WikiLeaks.

WikiLeaks hevur á sosiala miðlinum X deilt upptøkur, har Assange er á veg í eitt flogfar.

Tað skrivar DR, sum tó ikki hevur fingið upptøkuna váttaða.

 

Julian Assange hevur sitið fongslaður í Bretlandi í meira enn 1900 samdøgur. (Mynd: Sosiali miðilin X, AFP/Ritzau Scanpix)

 

Játtar seg sekan

WikiLeaks-stovnarin hevur sitið í fongsli í London í 1901 dag.

Assange skal vera til reiðar at játta seg sekan í at hava brotið amerikonsku njósningarlóggávuna í einum rættarmáli, sum byrjar í morgin.

Tað er orsøkin til, at 52 ára gamli Assange er latin leysur.

USA hevur í fleiri ár lagt Assange undir, gjøgnum WikiLeaks, at hava hjálpt varskógvarum at leka fleiri milliónir skjøl, sum almenningurin ikki skuldi síggja. 

Ti hevur Assange sitið varhaldsfongslaður í Bretlandi síðstu fimm árini.

 

Fongslingin verður mótroknað

Í 2010 kunngjørdi WikiLeaks í fleiri umførum fleiri túsund loynilig skjøl hjá amerikanska herinum.

Assange verður revsaður, játtar hann seg sekan. Men sambært NBC News er avtala gjørd við amerikanska løgmálaráðiðið, sum sigur, at árini, hann hevur sitið í fongsli í Bretlandi, skulu mótroknast.

Tað merkir, at Julian Assange ikki skal inn aftur at sita.

Er kopiera
Nýggjastu sendingar í ÚV
Nýggjastu sendingar í SV
Týsdag 16. juli
Veðrið
178118
Mánadag 15. juli
Hin rusuti á Aconcagua (3:10)
177771
Leygardag 13. juli
Føroyar - Montenegro (2-1)
178016
Leygardag 13. juli
Landsdystur: Føroyar - Montenegro
178015