Ruðuleiki á KT-økinum um allan heimin

Ruðuleiki valdar á KT-økinum um allan heim. 

Trupulleikarnir, sum eru í Avstralia og aðrastaðni í løtuni, og sum millum annað ávirka flogferðsluna har, ávirka tó ikki ferðsluna hjá Atlantic Airways, sigur Jóhanna á Bergi, stjóri.

Eftir øllum at døma er talan um dagføring av einari antivirus-skipan, sum eitur CrowdStrike.

Um allan heim verður boðað frá kt-trupulleikum, sum ávirka flogferðslu, miðlar og handlum.

Trupulleikarnir ávirka millum annað bankar, flogfeløg, miðlar og kassaskipanir hjá handilsketum, skrivar avstralska ABC News.

Blaðið The Guardian  skrivar, at trupulleikar hjá Windows, eru orsøkin.

KT-trupulleikarnir hava við sær, at útvarps- og sjónvarpsstøðir í Avstralia fáa ikki sent.

Atlantic Airways, Airbus 320neo, Vága Floghavn, ferðafólk

Frítekst tagging: 

atlantic airways

Airbus 320neo

Vaga Floghavn

ferðafólk

Bjarni Árting Rubeksen

KT-trupulleikarnir ávirka ikki ferðsluna hjá Atlantsflogi, sigur Jóhanna á Bergi, stjóri. (Mynd:  Bjarni Árting Rubeksen)

Sjálvtøkukassar og skíggjar raktir

Sjálvtøkukassarnir í matvøruhandlum rigga ikki, og skíggjar, sum vísa komur og fráferðir á flogvøllinum í Sydney, eru slóknaðir.

Danska kringarpið skrivar, at tilbúgvingin í Keypmannahavn er ávirkað, tí har ber ikki til at taka ímóti automatiskum eldvarnarum.

DSB er eisini ávirkað. Har ber ikki til at keypa ferðaseðlar, ella at kanna ferðsluna.

Boðað verður eisini frá flogførum, sum ikki sleppa á flog.

Í stuttari viðmerking í telefon fyri løtu síðani, segði Jóhanna á Bergi, stjóri í Atlantsflogi, at flogferðslan her ikki er ávirkað.

Microsoft skrivar á miðlinum X, at tey arbeiða við at loysa trupulleikarnar.