- Tíðindi, mentan og ítróttur
Stórur munur á útreiðslunum hjá Almannaverkinum til vørur og tænastur
![](https://kvf.fo/sites/default/files/styles/grein-ovasta-mynd/public/almannaverkid_02_0.jpeg?itok=vcKkGgUm)
Stórur munur er á útreiðslunum hjá Almannaverkinum til at keypa vørur og tænastur, serliga millum 2019 og 2023.
Sambært roknskapartølunum er stórur vøkstur í útreiðslunum.
Høvuðsorsøkin er lønarvøkstur, prístalsvøkstur og øking í tilboðstalinum.
Harafturat eigur korona sín lut í útreiðsluvøkstrinum.
Størsti vøksturin er, tá tænastur vera keyptar til stovnsuppihald í Danmark.
Her er talan um nakrar serligar fyriskipanir, sum eru sera kostnaðarmiklar.
Sirið svarar Johan
Tað sigur Sirið Stenberg, landsstýriskvinna, í svari til Johan Dahl, løgtingsmann, sum spurdi um fyrisitingarútreiðslur á almannaøkinum.
Í 2015 vóru brúktar slakar 22 milliónir til fyrisiting og 296,3 mió. kr. til útinnandi virkisøkið.
Í 2019 fóru 27,4 milliónir til fyrisiting og 398,6 milliónir til útinnandi virkisøkið.
Men í 2023 fóru útreiðslurnar til fyrisiting niður í 24,4 mió. kr.
Men útinnandi virksemið kostaði 516,6 milliónir krónur í fjør.