Túsund fólk í donsku umsitingini verða søgd úr starvi

Danska stjórnin ætlar at avmarka óneyðuga umsiting, og tí verða umleið túsund fulltíðarsett søgd úr starvi.

Tað skrivar Ekstrablaðið.

Fíggjarmálaráðið váttar ógvisligu skerjingina í eini skrivligari fráboðan til blaðið.

- Stjórnin fer at avmarka óneyðuga umsiting, og hevur tí gjørt semju við kommunur og landspartar fyri at minka umsitingarútreiðslurnar, skrivar fíggjarmálaráðharrin, Nicolai Wammen.

Hann sigur, at minkaðu útreiðslurnar skulu fíggja ein munandi lønarvøkstur hjá teimum, sum arbeiða við vælferðartænastum.