Oddbjørg Højgaard nýggjur stjóri á Rúsdrekkasøluni

Løgmálaráðið hevur gjørt av at seta Oddbjørg Højgaard í starv sum stjóra á Rúsdrekkasølu Landsins.

Oddbjørg hevur drúgvar royndir í leiðslu og rakstri og eisini innan fyri lýsingar, sølu og tænastur. Millum annað stovnaði og rak hon Dekostovuna í 15 ár og var stjóri á Hotel Hafnia í 8 ár.

Oddbjørg kemur úr starvi sum stjóri á Gjáargarði.

Oddbjørg Højgaard tekur við starvinum sum stjóri á Rúsdrekkasøluni 1. desembur 2024.