Rektarin á Miðnámi í Suðuroy sagt seg úr starvi

Rektarin á Miðnámi í Suðuroy, Rósa Heinesen, hevur sagt seg úr starvi.

Hon tók við sum rektari tann 1. februar í ár, men fer nú úr aftur starvinum tann 1. desembur.

- Tá taki eg við einum nýggjum starvi, sigur Rósa Heinesen í stuttari viðmerking, samstundis sum hon avsannar, at uppsøgnin hevur nakað við tvídystin millum hana og borgarstjóran á Tvøroyri at gera.

Grein fekk øði í borgarstjóran

Í juni mánaði skrivaði hon eitt lesarabræv við yvirskriftini “Kommunusamanlegging: Ein fallos og annar”, sum fekk øði í Kristin Michelsen, ið vildi hava eina umbering.

Tað fekk hann ikki, men síðani hevur einki meira verið at hoyrt um tað málið.

Áðrenn Rósa Heinesen tók við sum rektari á Miðnámi í Suðuroy, hevði hon undirvíst bæði har og á Heilsuskúlanum, og eisini hevur hon arbeitt í Granskingarráðnum.