Ferðmátingar og ferðsluóhapp

Í morgun var eitt lítið ferðsluóhapp á Skála, har ein bilur við tveimum fólkum fór oman av vegnum, og tey blivu bæði send á Landssjúkrahúsið til kanningar.

Helst er óhappið hent av ósketni, og politiið hevur ongan illgruna um nakað revsivert, so meira verður ikki gjørt við tað.

Í fyrrakvøldið gjørdi politiið eitt ferðsluátak millum Kambsdal og Gøtu, og har blivu tríggir bilførarar tiknir fyri at koyra ov skjótt.

Ein fekk klipp fyri at koyra 74 km/t við Gøtugjógv, ein 20 ára gamal fekk koyriforboð fyri at hava koyrt 86 km/t í Gøtu, og ein fekk treytaða frádøming av koyrikortinum fyri at hava koyrt 117 km/t á Kambsdali.

Stutt fyri midnátt í gjárkvøldið var ein bilførari í Suðuroy steðgaður fyri rúsevniskoyring, og blóðroynd tikin.