Skógareldur í Kalifornia hóttir 35.000 hús og íbúðarhús

Fleiri hundrað fólk, sum búgva nærindis Los Angeles í Kalifornia, eru biðin um at rýma undan skógareldi, sum herjar umleið 65 kilometrar eystan fyri býin. 

Eldurin kyknaði 5. september, og síðani eru umleið 70 ferkilometrar av lendi kolaðir upp, skrivar AP.

Sløkkiliðini hava ikki tamarhald á eldrinum, og trý sløkkiliðsfólk hava fingið skaða. Einki er frætt um, at sivilfólk hava fingið skaða.

Eldur í Kalifornia, skógareldur í Kalifornia

(Mynd: AFP/Ritzau Scanpix)

Vandi er fyri, at eldurin fer at breiða seg til 35.000 hús og íbúðarhús.

Guvernørurin í Kalifornia, Gavin Newsom, hevur lýst undantaksstøðu í San Bernardino.

Enn er ógreitt, hví skógareldurin kyknaði, men hitabylgja hevur verið í Kalifornia í fleiri dagar.