Vunnu á Suðurkorea

Føroyska talvlandsliðið vann í gjárkvøldið 2½ - 1½ á Suðurkorea á talvolympiaduni í Ungarn. Roknað var við einum jøvnum og spennandi dysti, og so var.

Høgni Egilstoft Nielsen og Luitjen Akselsson Apol vunnu við hvíta fólkinum, og John Rødgaard telvaði javnt á triðja borði. Stórmeistarin Helgi Dam Ziska tapti við svarta fólkinum á 1 borði.

Føroyar eru í løtuni nummar 67 av teimum 188 londunum í kappingini.

Í áttanda umfari í dag møta Føroyar Sveis. 

Sveis er styrkismett nummar 38, og hava 2524 í miðalstyrkitali.