Freistin at svara fer í dag

Freistin at svara fer í dag
Landsstýrismálanevndin heldur í fyribils niðurstøðuni, at Ingilín D. Strøm hevur sagt ósatt fyri løgtinginum og brotið lógina um ábyrgd hjá landsstýrisfólkum
Ingilín D. Strøm, landsstýriskvinna.
 
07.10.2024 - 08:11

Freistin, sum Ingilín D. Strøm, landsstýriskvinna, fekk til at gera viðmerkingar um fyribils niðurstøðuna hjá landsstýrismálanevndini, fer í dag, 7. oktober.

Landsstýrismálanevndin heldur í fyribils niðurstøðuni, at Ingilín D. Strøm hevur sagt ósatt fyri løgtinginum og brotið lógina um ábyrgd hjá landsstýrisfólkum.

Lógin sigur, at landsstýrisfólk hava skyldu til at siga satt fyri løgtinginum og skulu ikki fjala upplýsingar.

Í fyribils niðurstøðuni stendur, at samanumtikið heldur Landsgrannskoðanin, at í frágreiðingini hjá Landsgrannskoðanini eru fleiri og týðiligar ábendingar um, at trupulleikar eru við langtíðarhaldførinum hjá Húsalánsgrunninum. 

Ingilín D. Strøm segði í løgtinginum, at hon ongar ábendingar hevði um, at trupulleikar vóru við langtíðarhaldførinum. 

Er kopiera
Nýggjastu sendingar í SV
Mikudag 11. juni
Dagur og vika - teknmálstulkað
193101
Týsdag 10. juni
Veðrið
193072
Sunnudag 8. juni
Andakt við Bergi Debes Joensen
192984
Sunnudag 8. juni
Guðstænasta úr Havnar kirkju
192979