Biden lovar Ukraina ein hjálparpakka aftrat

Forsetin í USA, Joe Biden, lovar at stuðla Ukraina við einum nýggjum hjálparpakka. 

Tað boðaðu Hvítu Húsini frá í gjár. 

Joe Biden fer til Týsklands í hesari vikuni, men hann fær ikki stundir at hitta ukrainska forsetan, Volodymyr Zelenskyj, meðan hann er í Evropa, segði talsfólkið fyri Hvítu Húsini á tíðindafundi.

Orkustuðul

Danmark og sjey onnur lond hava eisini lovað at geva Ukraina orkustuðul. 

Uttanríkisráðharrin í Svøríki, Maria Malmer Stenergard, sigur, at tey átta Norðanlondini og baltisku londini hava gjørt av at geva Ukraina stuðul til vetrarorku.

Avgerðin er tikin á fundi millum uttanríkisráðharran í Ukraina, Andrij Sybiha, og starvsfelagar hansara í hinum londunum.

Tey eru Danmark, Svøríki, Noreg, Finlnand, Estland, Lettland og Litava.