Putin: Ógreitt nær Russland fer at sigra á Ukraina

Tað hendi á einum fundi í BRIKS-samgonguni, sum hevur níggju limalond, og Brasil, Russland, India, Kina og Suðurafrika leggja navn til. 

Fyrst segði forsetin, at tað er ógreitt, "nær Russland fer at sigra á Ukraina", men at russisku herdeildirnar halda fram við at berjast, til tær hava sigrað.

Samstundis ljóðaði tó frá Putin, at Kreml er til reiðar at fara undir friðarsamráðingar við Ukreina - so leingi tað er eftir russikum fortreytum. Meira segði hann ikki um tað, men fyrr í summar setti hann tvær treytir við friðarsamráðingar:

- Ukraina skal taka sínar herdeildir aftur úr Zaporizjzja, Kherson, Donetsk og Luhansk.

- Og Ukraina skal sleppa sínum ætlanum um at fara upp í NATO.

Samstundis heldur Volodymyr Zelenskyj fram at leggja fram ætlanir fyri, hvussu kríggið kann vinnast. 

Ukraina er undir trýsti, men kríggið kann sambært Zelenskyj enda innan fyri eitt ár, um ætlanin verður framd nú, skrivar danska TV2.