Lív og Óluva fingið herðaklapp

Tær eru gerandishetjur, sum hava stóra ávirkan á gerandisdagin og lívið hjá nógvum fólkum.

Soleiðis verður sagt um tær báðar Óluvu Poulsen og Lív Egholm, sum hava fingið ársins sálarheilsuvirðisløn frá Sinnisbata. 

Í ávikavist 24 og 14 ár hava tær báðar arbeitt á psykiatriska deplinum. Óluva Poulsen sum sjúkrarøktarfrøðingur og Lív Egholm sum fysioterapeutur.

- Vit eru takksamar og eyðmjúkar at hava fingið henda heiðurin, men vit føla veruliga, at øll í okkara toymið eiga hetta herðaklappið, halda Óluva Poulsen og Lív Egholm.

Í morgunsendingini greiða tær eitt nú frá arbeiðinum, uppgávum á psykiatriska deplinum og serliga sambandinum við sjúklingarnar.