Meirilutin vil hava ein kanningarstjóra at kanna Ingilín D. Strøm

Samgongutinglimirnir, Hans Jacob Thomsen og Hanna Jensen, sum mynda meirilutan í Landsstýrismálanevndini, vilja ikki taka støðu til, um Ingilín D. Strøm, landsstýriskvinna í umhvørvismálum, tilvitað ella av grovum ósketni hevur sagt ósatt fyri Løgtinginum.

Tað er niðurstøðan eftir fundarvirksemi hjá nevndini í dag.

Landsstýrismálanevndin kom í einari fyribilsniðurstøðu til, at landsstýriskvinnan hevði sagt ósatt fyri løgtinginum og tí hevði brotið lógina um ábyrgd landsstýrisins, men eftir at landsstýriskvinnan hevur svarað fyribils niðurstøðuni hjá Landsstýrismálanevndini við einum skrivi, sum er 36 síður langt, er meirilutin komin til ta niðurstøðu, at tey ikki vilja taka støðu til, um Ingilín D. Strøm hevur gjørt nakað skeivt ella ikki.

Tí verður nú lagt upp til, at ein kanningarstjóri skal setast, sum skal kanna hetta málið og koma til eina niðurstøðu.

Hoyr innslagið, sum var í tíðindasendingini á nátturða í kvøld.