Leiðslusessurin í Tjóðveldi púra opin

Fríggjakvøldið boðaði formaðurin í Tjóðveldi, Høgni Hoydal, púra óvæntað frá, at hann legði frá sær sum formaður í flokkinum, eftir 24 ár í formanssessinum.

Endin í formanssessinum gjørdist heldur rokaligur, tí hósdagin var flokkurin orsøk til, at landsstýriskvinnan hjá Javnaðarflokkinum, Ingilín Didriksen Strøm, noyddist at leggja frá sær.

Síðan vóru tinglimirnir Erling Eidesgaard og Liljan Veihe í Breddanum fríggjadagin, og átalaðu handfaringina hjá formanninum, og tá ið hann so kom í Dag og viku fríggjakvøldið, brúkti hann tíðina uppá at kunngera, at hann nú leggur frá sær sum formaður.

Eirikur Lindenskov, blaðstjóri á Sosialinum og politiskur eygleiðari, heldur tað vera púra opið, hvør nú kemur at standa á odda fyri flokkinum.

Hann var gestur í útvarpstíðindunum í gjár, tá ið hann fyrst greiddi eitt sindur frá, hvussu tað var, tá ið Høgni Hoydal í 1998 trein inn á politiska pallin: