Kæran um Dennis Holm: Nevndin bíðar eftir uppriti frá umsitingini

Landsstýrismálanevndin bíðar enn eftir uppriti frá umsitingini hjá løgtinginum um kæruna um Dennis Holm, landsstýrismann.

Árni Skaale, løgtingstingmaður, kærdi Dennis Holm um svartkjaftabýtið.

Tað var 5. mai.

Dennis Holm læt 35.000 tons av svartkjafti sum felagskvota við hámarki. 

Hans Jacob Thomsen, formaður í landsstýrismálanevndini, sigur, at nevndin hevur fund, tá uppritið frá umsitingini er komið.

Og nevndin hevur í síðstu viku fingið eitt nýtt mál.

MEGD hevur klagað landsstýrið fyri ikki at senda lógaruppskot til hoyringar, áðrenn tey fara í løgtingið.

Eitt dømi er lógin um tillagað størv.