SEV: Serfrøðingauppskot tikið aftur

Eitt uppskot um at broyta nevndina í SEV, so at millum annað fleiri serfrøðingar gerast partur av henni, bleiv tikið aftur av skránni á eyka-aðalfundinum í gjár. 

Tað hendi eftir, at borgarstjórin í Tórshavnar kommunu, Heðin Mortensen, tók orðið og segði, at hann ikki kundi atkvøða fyri øllum uppskotinum fyrr enn Tórshavnar býráð hevði samtykt at taka undir við tí. 

Hetta hóast Tórshavnar kommuna var uppskotsstillari saman við Runavíkar kommunu. 

Eftir fráboðanina tók Tórbjørn Jacobsen, borgarstjóri í Runavíkar kommunu, uppskotið aftur, tí hann dugdi at síggja, at uttan stuðulin frá høvuðsstaðarkommununi fór uppskotið at fella.