Kunnu ikki staðfesta, hví eldur kom í

Ikki ber til at staðfesta við fullari vissu, hvussu eldurin í Glyvra skúla um morgunin 9. september í fjør kyknaði.

Illgruni er um, at børn festu í pappír á einum vesi á niðastu hædd skúlans.

Okkurt var funnið á staðnum, sum bendi á tað. 

Jan Poulsen, økisleiðari í Norðurøkinum, sigur, at kanningar eru gjørdar, millum annað hevur politiið tosað við børn í skúlanum.

Men ikki ber til at staðfesta, hvør orsøkin til eldin var, og málið er endað, sigur Jan Poulsen.