Serbiski forsætisráðharrin leggur frá sær

Milos Vucevic, forsætisráðharri í Serbia, hevur lagt frá sær.

Tað boðar hann frá á tíðindafundi, sambært Reuters-tíðindastovuni.

Stjórnarleiðarin leggur frá sær, eftir at mótmælisgongur hava verið í fleiri vikur, har hevur verið lagdur undir at vera uppi í einari muturgølu.

Eisini hava fólk verið ill um handfaringina hjá stjórnini av eini deyðsvanlukku seinast í fjør, har 15 fólk lótu lív, tá tekjan á eini tokstøð datt niður.

Sambært AP, legði forsætisráðharrin á tíðindafundinum dent á, at hann fer frá fyri skapa frið í Serbia.

- Tað er mín áheitan á øll um at vera sinnilig, sigur hann.

Nú forsætisráðharrin er farin frá, verður val helst útskrivað í landinum, skrivar AP.