Serfrøðingur: Takið ikki DeepSeek niður á telefonina

Nýggja kinesiska vitlíkið DeepSeek skelkaði marknaðin, tá tað kom fram fyri einari viku síðani, og er longu farið fram um ChatGPT á Appstore.

Ein føroyskur serfrøðingur í vitlíki mælir frá at taka DeepSeek niður á telefonina.

Gunnleygur Clementsen á Tøknitænastuni sigur, at Kina brúkar hetta vitlíkið til njósning, og tí er tað ótrygt.  

DeepSeek er kinesiska svarið upp á vitlíkistænastur so sum ChatGPT, og tað serliga við DeepSeek er, at tað hevur verið ógvuliga bíligt at menna. So bíligt, at partabrævið hjá amerikanska tøknirisanum Nvidia minkaði 17 prosent í virði í gjáramorgunin.

Hoyr innslag í útvarpstíðindunum: