Útflutningurin minkaði 400 milliónir í fjør

Eins og innflutningurin minkaði útflutningurin í fjør samanborið við 2023.

Í fjør útfluttu Føroyar fyri 12,3 milliardir krónur, 405 milliónir minni enn í 2023.

Fiskavøruútflutningurin er minkaður 446,5 milliónir krónur, ella næstan fýra prosent. 

Útflutningurin av laksi var 358,5 milliónir krónur størri í fjør enn í 2023. 

Størstu afturgongdina hava fiskamjøl, fóður og lýsi. Afturgongdin er næstan ein milliard, 45 prosent. 

Nøgdirnar eru 36 prosent minni, skrivar Hagstovan.

Minni útflutningur til ES og Norðuramerika

Útflutningurin til ES minkaði 196,5 milliónur krónur, og hann minkaði 155 milliónir til Norðuramerika.

Men útflutningurin til Asia, serliga til Kina, vaks 211,8 milliónir.

Útflutt var til Russlands fyri eina milliard og 136 milliónir krónur í fjør.

Tað eru 70,5 milliónir, 5,8 prosent, minni enn í 2023.

Russland er framvegis á fjórða plássi á listanum við londum, sum keypa úr Føroyum.