Allir umsøkjarar fingu svartkjaft til vinnuligar royndir

Allir átta umsøkjarar fingu svartkjaft til vinnuligar fiskiroyndir.

Men teir fingu ikki so nógv, sum teir søktu um.

Søkt var um 17.900 tons. Men bara 6.500 tons vóru at býta.

Fimm virki á landi fingu kvotu og trý reiðarí.

Í viðgerðini og raðfestingini er serligur dentur lagdur á menningarvirði og nýskapanarvirði, sigur Fiskivinnumálaráðið.

Feløgini, sum fingu svartkjaft til vinnuligar royndir, eru Gráastein, sum fekk 1.050 tons, Varðin Pelagic fekk 800 tons, Netastovan 1.000 tons, Sjógæti 200 tons, Kinnfelli 1.050 tons, Saga 800 tons, Havsbrún 1.000 tons og Faroe Marine Products fekk 600 tons