Fyrrverandi brasilski forsetin í hægstarætt

Fyrrverandi brasilski forsetin, Jair Bolsonaro, skal nú í brasilska hægstarætt - ákærdur fyri kvettroynd.

Tað skrivar Reuters.

Sambært ákæruni vóru Bolsonaro og 33 onnur fólk við í kvettroyndini. 

Kvettroyndin var stutt eftir, at Jair Bolsonaro hevði tapt valið fyri núverandi forsetanum, Lula, í 2022.

Í januar í 2023 trokaðu viðhaldsfólk hjá fyrrverandi forsetanum, Jair Bolsonaro, seg inn í tjóðartingsbygningin og hægstarættarbygningin í høvuðsstaðnum, Brasilia, og framdu herverk.

Bolsonaro er ákærdur fyri at hava verið heilin aftan fyri kvettroyndina, sum skuldi gera, at hann varð sitandi, sama hvør vann forsetavalið  

Bolsonaro var forseti í Brasil frá 2019 til 2022.