Uppsjóvarskipini landa svartkjaft uttanlands

Føroysku uppsjóvarskipini kunnu landa svartkjaft uttanlands, nú nógvur svartkjaftur er at fáa sunna nfyri Føroyar og í serøkinum. 

Fiskimálaráðið hevur júst nú givið undantak.

Sambært lógini hava føroysk skip loyvi at landa 15 prosent uttanlands, men hetta markið verður skjótt rokkið.

Við undantakinum verður nú loyvt at landa uttanlands til 16. juni. 

Føroyska svartkjaftakvotan er 514.000 tons í ár.

Páll Holm Johannesen

Páll Holm Johannesen. 

75.000 tons eru býtt um við Russland og 24.000 tons við Grønland, og tí eru 415.000 tons eftir til føroysku skipini.

Higartil eru 115.000 tons fiskað av føroysku kvotuni, og sostatt eru 300.000 tons eftir at fiska.

Páll Holm Johannesen, stjóri í felagnum Nótaskip, er nøgdur við, at uppsjóvarskipini kunnu landa uttanlands, so tað slepst undan longum bíðirøðumi í Føroyum:

Odd Eliasen

Odd Eliasen. 

Odd Eliasen, stjóri á Havsbrún, sigur í stuttari viðmerking, at tey hava úr at gera at taka móti svartkjafti, so nógv sum tey klára. 

Havsbrún hevur onkrar dagar tikið móti meira enn 2.500 tonsum um samdøgrið. 

Í løtuni verða broytingar í sjófeingislógini viðgjørdar í løgtinginum. 

Skotið verður upp, at nú skal vera loyvt at landa 25 prosent uttanlands.