Kjarnorkuburturkast funnið í Norðuratlantshavi

Fleiri lond søktu burturkast frá kjarnorku-ídnaðinum á millum 3.000 og 5.000 metrar dýpi har norðuri í Atlantshavi. Nú hevur ein altjóða granskingarbólkur funnið nakrar av køssunum, sigur eitt talsfólk fyri franska granskingarstovnin CNRS.

Helst eru um 200.000 kassar við kjarnorkuburturkasti frá 1950'árunum søktir í havið fram til forboð var sett fyri tí í 1993. Granskararnir hava ikki sagt, um kassarnir, sum teir hava funnið, lógu spjaddir yvir størri øki. Teir kanna lutirnar við fjarstýrdum tólmenni, sum kann 3D-skanna økið, og hevur sonar, - eitt slag av ekkoloddi.

Leiðarin fyri verkætlanini, Patrick Chardon, sigur, at geiðslavirkni í burturkastinum helst er brutur um eini 400 ár. Kassarnir eru gjørdir til at tola sera stórt trýst á havbotninum, men Chardon sigur, at partur av innihaldinum kortini kann var likið út. Granskararnir fóru við skipinum l'Atlante frá Brest hálvan juni.

Rannsóknaferðin varar í fýra vikur, og endamálið er at finna kjarnorkuburturkastið og meta um, hvørja ávirkan tað hevur á vistskipanina.