Russar mótmæla norsku avgerðini um at seta skip á svartalista

Russland hevur mótmælt avgerðini hjá Noregi at seta russisku reiðariini Nordebo JSC og Murman Seafood á svartalista.

Skip hjá reiðaríunum sleppa ikki í norskan sjógv.

Russiska uttanríkisráðið sigur, at Noreg hevur brotið sáttmálan frá 1976 um fiskiveiðu í Barentshavinum og í Norðurhavinum.

Talan er um grovt brot, sigur Russland. Samstarvið millum londini kann detta burtur.

Tað verður ein hóttan móti stovnsrøktini í Norðuratlantshavi, sigur Russland.

Norska uttanríkisráðið sigur við Fiskeribladet, at Noreg vil halda fram við sáttmálanum um Barentshavið og Norðurhavið, og hvussu fiskurin har skal umsitast.