Kallas: Evropa má ikki trýsta Ukraina at lata landaøki frá sær

Evropa má ikki leggja trýst á Ukraina at fáa landið at slaka fyri russiskum krøvum um landayvirtøkur.

Tað sigur Kaja Kallas, sum er uttanríkisstjóri í ES-samveldinum, við BBC.

Vladimir Putin og Donald Trump í Alaska

Vladimir Putin og Donald Trump høvdu fund í Alaska fyri viku síðani. (Mynd: Andrew Caballero-Reynolds/AFP/Ritzau Scanpix)

Samstundis siga greinarar, at evropeisku londini hava víst, at tey veruliga hava eina styrki at bjóða fram í royndunum at enda kríggið í Ukraina, og at tað sostatt ikki bert eru stórveldini USA og Russland, sum telva um landamørk, krøv og slakingar.

Kaja Kallas, uttanríkisstjóri í ES, sigur í dag, at hóast ikki nógv ítøkilig stig eru tikin at geva Ukraina trygdarváttaninar, tað hevur brúk fyri,  er greitt, at besta trygdin fæst við einum sterkum ukrainskum heri.

Hoyr innslag í útvarpstíðindunum: