Óli toppskjútti í sínum fyrsta dysti

Óli Mittún fekk góða byrjan í nýggja felagi sínum, GOG, sum mánakvøldið vann á HC Midtjylland og spældi seg víðari í donsku steypakappingini.

Føroyingurin, sum skifti til fjónliðið í summar eftir nøkur ár í svenska IK Sävehof, skeyt sjey av málunum hjá GOG og varð toppskjútti saman við Frederik Bjerre.

Tað var eitt sindur av spenningi í dystinum ímóti fyrstudeildarliðnum fyri steðgin, men í seinna hálvleiki fóru Óli Mittún og teir frá og vunnu 33-25.