Gevur grønlendskum kvinnum umbering í snyrilsmálinum

Mette Frederiksen, forsætisráðharri, hevur í dag vegna danska statin givið grønlendsku kvinnunum eina umbering í snyrilsmálinum.

Málið snýr seg um, at grønlendskar kvinnur og gentur hava fingið snyril settan upp uttan samtykki. 

Mette Frederiksen vil tó einki siga um endurgjald.

Stevnt eftir 43 milliónum

143 grønlendskar kvinnur hava stevnt danska statin eftir 43 milliónum krónum í endurgjaldi fyri brot á mannarættindi.

Múte B. Egede, fyrrverandi landsstýrisformaður í Grønlandi, hevur fleiri ferðir sagt, at talan er um fólkamorð. 

Ein óheft kanningarnevnd var sett at kanna málið. Nevndin er ikki komin við almennari niðurstøðu enn, men væntandi kemur hon í næstum.