- Tíðindi, mentan og ítróttur
Fregnartænastan: Russland førir hybrid-kríggj móti NATO og vesturheiminum
Fregnartænastan: Russland førir hybrid-kríggj móti NATO og vesturheiminum
Endamálið er at ræða og spjaða, sigur stjórin í donsku fregnartænastuni, sum hevði tíðindafund saman við verjumálaráðharranum í morgun
Thomas Ahrenkiel, stjóri í fregnartænastuni hjá donsku verjuni, og Troels Lund Poulsen, verjumálaráðharri, á tíðindafundi í morgun.
Mynd: Sebastian Elias Uth/Ritzau Scanpix
03.10.2025 - 08:55
Danska verjufregnartænastan, stytt FE, hevur sent út nýggja meting um hybridhóttanina móti Danmark.
Fregnartænastan metir at Russland í løtuni førir hybrid-kríggj móti NATO og vesturheiminum, og stór sannlíkindi eru fyri, at hybrida hóttanin úr Russlandi móti Nato veksur næstu árini.
FE skrivar á heimasíðu síni, at tað er sera sannlíkt, at Russland heldur seg vera í stríði við vesturheimin, har amboðini verða hildin undir vápnaðum stríðsstigi.
Thomas Ahrenkiel. (Mynd: Sebastian Elias Uth/Ritzau Scanpix)
- Endamálið er at ræða okkum og spjaða okkum, vóru boðini frá Thomas Ahrenkiel, stjóra fyri fregnartænastuna hjá donsku verjuni, á tíðindafundi kl. 8 í morgun:
03102025_Thomas_1
Hann sigur, at Russland er farið at dubba seg hernaðarliga, so landið verður ført fyri at fara í kríggj við NATO eina ferð seinni:
03102025_Thomas_2
Fregnartænastan hevur gjørt yvirlit um hóttanarstøðuna:
- Hóttanin frá sabotasju móti donsku verjuni er STÓR.
- Hóttanin frá oyðileggjandi telduálopum móti Danmark er MIÐAL.
- Hóttanin frá hernaðarligum provokatiónum móti NATO-londum er STÓR.
- Hóttanin frá ávirkanarvirksemi móti Danmark er LÍTIL.
- Hóttanin frá regluligum hernaðarálopum móti Danmark er EINGIN
Er kopiera
Nýggjastu sendingar í ÚV
Nýggjastu sendingar í SV
