Óli og Hákun vunnu báðir í Champions League

Bæði Óli Mittún og Hákun West av Teigum spældu væl í Champions League hóskvøldið. 

GOG vann týðandi uppgerðina ímóti RK Zagreb í Kroatia. Óli Mittún skeyt fimm mál og legði upp til tvey í flottum 36-31 sigri, har fjónliðið streyk undan beinanvegin og helt leiðsluna til endans.

Sigurin gevur dønum góð kort á hondina í kappingini um at røkka røkkstøkk-umfarinum í kappingini.

Hákun aftur 100 prosent

Sigursrøðin hjá Füchse Berlin í Champions League helt fram, tá Kolstad vitjaði í Max-Schmeling-Halle í týska høvuðsstaðnum.

Hákun West av Teigum misnýtir ikki nógvar kjansir fyri tíðina, og føroyski vongurin hevði aftur stilla siktið væl hesa ferð. Hann skoraði tríggjar ferðir upp á tríggjar royndir í 38-27 sigrinum hjá Füchse Berlin.

Berlinrevarnir hava sostatt kós beinleiðis í fjórðingsfinalurnar við 10 stigum fyri fimm teir fyrstu dystirnar. Aalborg er næstfremst við átta stigum.