Icelandair hevur sagt 38 fólkum úr starvi

Icelandair hevur sagt upp 38 fólkum.

Tey flestu arbeiddu á skrivstovuni hjá felagnum í Havnarfirði.

Icelandair hevur avlop, men tað minkar. Tað hevur minkað seinastu átta árini.

Men felagið væntar hall í ár.

Ætlan felagsins er at venda gongdini næsta ár, sigur felagið í fráboðan.

Taka tvey flogfør úr flotanum 

Felagið ætlar at taka tvey flogfør úr flotanum, og tað ætlar at gevast við at brúka heilt stóru flogførini, Boeing 767, um eitt ár.

Icelandair flýgur til Føroya um summarið. 

Eingin fráboðan er komin um, at tann flúgvingin heldur uppat. 

Annars fór Play, størsti kappingarneytin hjá Icelandair, í gjaldstegð í september. 

3.166 fólk arbeiddu hjá Icelandair Group 1. januar í ár.