Metnógv ung vilja kappast í vísind og tøkni

Í dag opna tey dyrnar í skúlanum á Fløtum, har kappingin First Lego League Føroyar verður hildin.

37 lið skulu kappast í uppgávum við støði í vísund og tøkni, og ongantíð hava fleiri verið við.

Jákup Heinesen er fyriskipari, og er ógvuliga glaður um góðu undirtøkuna.

Sambært honum er hetta ein heilt serlig kapping, sum gevur teimum ungu møguleika at menna seg í tí tøkniliga fakinum.

Tey skulu hugsa í loysnum til praktiskar trupulleikar, og í kappingini sleppa tey bæði at programmera, samstarva og skriva frágreiðingar, sigur Jákup Heinesen.

Hvørt kappingarár er eitt nýtt evni á skránni, og í ár er tað fornfrøðina, tey ungu skulu takast við.

Tey, sum fáa fyrsta og annað plássi í føroysku kappingini, sleppa víðari til finaluna í Odense 29. november. 

Tey, sum klára seg væl til TA kappingina, koma víðari til altjóða kapping. 

Tað eru tey 50 bestu liðini av teimum 40 túsund, sum hava kappast, sum sleppa at kappast á altjóða støði.