Skulu gagnnýta starvsfólkafeingið betur

Endamálið við at gera stjórnarráðini færri, er fyrst og fremst at gagnnýta starvsfólkafeingið betur og fáa størri og fakligari sterkari eindir í miðfyrisitingini.

Og í løtuni verður greinað, hvussu stórar sparingar kunnu gerast næstu árini.

Tað sigur Aksel V. Johannesen, løgmaður, í svari til Bárð á Steig Nielsen, løgtingsmann.

Hann sigur, at nýskipanarnevndin hevur nevnt eitt krónutal, sum kann sparast, eftir at tillagingar eru gjørdar í miðfyrisitingini.

Men nevndin hevur í tilmæli sínum ikki útgreinað ítøkiliga, hvussu nógv kann sparast hvar.

Bárður á Steig Nielsen sigur, at løgmaður hevur hildið fast um, at tað ikki fór at hava nýggjar útreiðslur við sær at hava níggju aðalráð.

Løgmaður og samgongan hildu eisini fast um, at tað var neyðugt at hava fleiri aðalráð fyri at fremja tey politiskt raðfestu økini.

Les svarið frá løgmanni her.