Pernille trokast ovarlaga á toppskjúttaralistanum

Føroyar hava veruliga gjørt vart við seg til heimsmeistarakappingina í Týsklandi, og hava teim flestu kunnugt spælt seg víðari úr bólkaspælinum fyri fyrstu ferð.

Fleiri av føroysku spælarunum hava eisini staðið seg væl higartil. Størsta einstaka avrikið var kanska tað hjá málverjanum Rakul Wardum í 27-25 sigrinum á Spania í 2. umfari, men eisini Annika Fríðheim Petersen stóð væl í fyrsta dystinum ímóti Montenegro.

Av teimum, sum hava lyft tyngstu byrðarnar, eru kanska serliga tvær, sum eru verdar at nevna. Liðskiparin Pernille Brandenborg er ovarlaga á toppskjúttaralistanum eftir bólkaspælið. 

Strikuspælarin liggur í løtuni á 5. plássi saman við Danilu Patricia So Delgado-Pinto úr Spania og Grétu Márton úr Ungarn við 18 málum. Vert er at leggja til merkis, at Pernille Brandenborg hevur skotið 11 brotskøst og hevur sett átta teirra í netið.

Sorina-Maria Grozav úr Rumenia er ovast á listanum við 24 málum.

SÍ: Toppskjúttaralistin til HM

Montenegro, Føroyar, Jana Mittún, Kvinnulandsliðið í hondbólti, HM25, Trier

Jana við í øllum

Tá tað snýr seg um álopsatsóknir yvirhøvur skarar Jana Mittún framúr. Bakspælarin úr Viborg tekur stóra ábyrgd í føroyska álopinum, og tá hon er inni, er hon eisini í miðdeplinum.

Jana Mittún liggur á sjeynda plássi á listanum yvir tær, sum hava flest mál og upplegg samanlagt. Higartil hevur fótfimi hoyvíkingurin skotið 12 mál og átt næstseinastu hond á 13 føroyskum málum.

Tá er vert at nevna, at í mun til Pernille Brandenborg hevur Jana Mittún einki brotskast skoti. Næstu føroyingarnir á listanum eru Súna Krossteig Hansen við 19 og Maria P. Nólsoy.