Hwarang Føroyar til Nordic Taekwondo Championship 2026 í Skanderborg

Taekwondo felagið, Hwarang Føroyar, er komin til Danmark, har seks kemparar skulu luttaka í Nordic Taekwondo Championship 2026 um vikuskiftið, ið verður í Skanderborg.

- Kappingin gevur íðkarunum hjá felagnum møguleika at kempa á hægsta stigi í norðurlondum, har tey bestu frá Norra, Svøríki, Danmark, Íslandi og Finnlandi kappast. Hesin pallurin gevur teimum venjing til enn størri kappingarar runt í heiminum innan Taekwondo kampítrótt, sigur Noomi Heradóttir, forkvinna í Hwarang Føroyar.

Tað verða áleið 300 lutakarar í kamp. Hwarang Føroyar hevur seks luttakarar, sum skulu kempast. Høgni Kunoy Dávason býr í Keypmannahavn og venur við Nørrebro Taekwondo Klub, men kempar fyri Føroyar.

- Íðkararnir hjá Hwarang Føroyar venja í Søldarfirði, men mugu av landinum, fyri at sleppa at kempa. Tí er hesin túrur sera mennandi og læruríkur, leggur Noomi Heradóttir afturat.

Føroysku Taekwondo íðkarnir eru:

Jónar Kristiansson Poulsen - 41 kg Kadet

Stefan Mifsud - 48 kg Junior

Jerrold Balagasay -45 kg Junior

Boas Hansen -68 kg Junior

Prashim Khadka - 54 kg Senior

Høgni Kunoy Dávason -74 kg Senior