ES fer aftur at viðgera handilsavtaluna við USA

ES-tingið fer nú aftur at viðgera málið um handilsavtaluna við USA.

Tað boðar formaðurin í handilsnevndini hjá ES-tinginum, Bernd Lange, frá. 

Eftir at amerikanski forsetin, Donald Trump, fyri stuttum hótti fleiri ES-limalond við at hækka tollin á vørum úr hesum londum enn meiri, avgjørdi ES-tingið at steðga á við handisavtaluni.

Síðani hevur Trump tikið hóttanirnar um eykatoll aftur, eins og hann ikki longur tosar so nógv um at taka Grønland. Tað hevur fingið ES-tingið at taka viðgerðina av handilavtaluni uppaftur.

Bernd Lange sigur, at limirnir í handilsnevndini eru fúsir at taka viðgerðina uppaftur, um USA virðir fullveldið hjá ES og limalondunum í samveldinum. 

Handilsavtalan millum USA og ES var gjørd í fjør summar.

Hon sigur, at amerikanski tollurin á vørum úr ES verður 15 prosent.