Starvsfólk í íslendska Landsspitalanum smittað við tuberklum

Í minsta lagi átta starvsfólk í bráðmóttøkuni hjá íslendska Landsspitalanum eru vorðin smittað við tuberklum, skrivar Morgunblaðið.

Talan er um lækna, sjúkrarøktarfrøðingar og skrivara.

Illgruni er um, at smittan kemur frá einum herbergi fyri heimleys í Reykjavík, sum býráðið rekur, haðani eitt fólk kom á sjúkrahúsið.

Hetta hendi eisini í 2023.

Tá vóru tvey heimleys fólk smittað. Og 18 høvdu fjalda tuberklasmittu.

Tuberklar vóru staðfestir í einum barnaskúla í Reykjavík í februar 2024.

Seinastu árini eru javnan staðfestir tuberklar í Íslandi.