Portugal: Valevnið hjá sosialistaflokkinum vann sannførandi

Forsetaval var í Portugal í gjár.

Og tað var valevnið hjá sosialistiska flokkinum, António José Seguro, sum sannførandi vann seinna og avgerandi umfarið á forsetavalinum.

Nú 95 prosent av atkvøðunum eru tald, hevur hann fingið 66 prosent - svarandi til umleið tveir triðingar av atkvøðunum, skrivar Ritzau.

Sambært almenna miðlinum í Portugal, RTP, hevur Seguro eisini fingið flestar atkvøður higartil á einum forsetavali í landinum.

Sambært fyribilsúrslitinum hevur mótstøðumaður hansara, høgravendi politikarin, André Ventura, fingið 34 prosent av atkvøðunum, og hevur longu viðurkent ósigurin.