Lýggjasti januar í Grønlandi síðani 1917

Ikki síðani 1917 hevur verið so lýtt í grønlendska høvuðsstaðnum, Nuuk, sum í januar í ár.

Tað skrivar danski veðurstovnurin, DMI.

Miðalhitin í januar var 0,1 stig, sum eru 7,8 stig lýggjari enn miðalhitin í januar seinastu 30 árini.

Lýggjasta dagin í januar í ár vóru máld 11,3 stig.

Nýggja hitametið er 1,4 stig heitari enn gamla hitametið, sum er frá 1917.

Hitin setti eisini met í januar á grønlendskuni vesturstrondini, sum er okkurt um 2.000 kilometrar.